أصرخ وأقول مفيش أمل



ولا أنتظر جايز فى يوم يجى الأمل



مليون سؤال بيهزنى



مليون حكاية بتنتهى نفس النهاية مفيش محال



مليون قصيدة بتتنسج وبتتخنق قبل ما تخرج للحياة



شبح ابتسامة بتترسم وبتتقتل قبل ما تخرج للشفاه



مليون إجابة حايرة تايهة للسؤال



مليون نهاية بتستخبى بألف باب



ودمعة حايرة تايهة وسط ألف عين



وصوت حزين بيشق ألف ناى حزين



وضحكة ضايعة توهتها السنين



فين الأمل..؟؟!



ايه الأمل..؟؟!



ولا الأمل ده حكاية كل قلب تاه



ولا الأمل ده حكاية كل عمر ضاع



لا الأمل ده حلم عمره فى يوم ما هان



عاش الأمل... يحيا الأمل



من غيره يبقى مفيش حياة