كلام بتقولة باحساس***

كلام كتير أوى بيتحس فى الحب والكلام ده لما بتحس بيه بتنسى كل الدنيا لما بتحسه وبتسمعه وفى ناس بتقوله من غير أحساس بتقوله مش من قلبها أو من غير أحساس يعنى بيقولوه كلام زى أى كلام بس الناس اللى بتحب بجد هى اللى بتحس الكلام ده وبتقوله الكلام ده بأحساس
وكلنا بنقول الحب مش كلام لكن أفعال وده كلام صح فعلا بس مش معنى أن كده أن الكلام ينتهى فى الحب لا الكلام لا بد منه لآنك بتحتاج تعبر عن اللى جواك ومش لازم عشان تعبر اللى عن جواك يبقى كل حاجه ب الفعل وبيكون كلام بديل ولما بتحس الكلام ده بيكون زى الفعل ب الظبط وأحسن كمان لآنه بيكون من جوه قلب الانسان اللى بيحبك وبأحساسه
يعنى مثلا فى كلام كتير وهاقول كلام معين منه وكلنا لما بنحب بجد بنحس ب الكلام ده زى مثلا ......

كلمه بحبك : لما تكلم حبيبك وتلاقيه يقولك بحبك وتحس بيه مش بتقدر توصف أحساسك ده بترد بنفس الكلمه بس بتحس أن الدنيا طايره بيك وأنك أسعد أنسان فى الدنيا ديه كلها
بس لو الكلمه متقاله بأحساس مش متقاله زى أى كلمه عاديه وخلاص

كلمه وحشتنى : معروف أن كلمة وحشتنى بتعبر عن شوقك لحبيبك الكلمه ديه لما بتسمعها من حبيبك وبتحس بيها بتحس أنك عايز تكون وياه فى اللحظه ديه وطبعا أحساس الكلام فى الحب بيبقى كله واحد لآنه بيوصلك لنتيجه واحده أنه بيخليك سعيد بحبيبك وبتحس ب الحب بجد

عشان خاطرى : الكلمه ديه بتبين حاجات كتير برضو يعنى حبيبك ممكن يقولك خلى بالك من نفسك عشان خاطرى أو اعمل الصح عشان خاطرى ذاكر يا حبيبى عشان خاطرى وكلام كتير بتحس أن حبيبك خايف عليك بجد لما بتحس الكلمه ديه وعايز مصلحتك لآنه بيقولك أعمل ده عشان خاطرى وعشان خاطر حبنا وفى النفس الوقت حبيبك عاوز يشوف غلاوته عندك قد أيه هاتعمل كده عشان بتحبه ولا مش هاتعمل

وكلام كتير بيعبر عن حب حبيبك ليك ورد فعلك لما بتسمع الكلام ده ولما بتحسه وأكيد الناس اللى حبت بجد أو بتحب بجد هاتعرف يعنى أيه معنى كلامى ده
والكلام ده سهل يتقال بس صعب أنك تحسه وسهل أنك تحسه صعب أنك تحسه لو مكنش طالع من قلب حبيبك وسهل أنك تحسه لو طالع من قلب حبيبك

لو فضلنا نتكلم عن الحب وكل حاجه فى الحب مش هايخلص الكلام بس حاول تكون أفعالك فى الحب أكتر من كلامك لآن ألافعال هى اللى بتكون واقعيه
مش معنى كده أنا مش بقول أن الكلام لا الكلام اه لابد منه طالما من جوه قلبك وديه حاجه اللى فى أيديك تقدر تعبر بيها مثلا بس خلى أفعالك تكون أكتر من كلامك